Lenny Kravitz во Охрид со нов албум

Lenny Kravitz има нов албум насловен Blue Electric Light, негов 12-ти кој официјално ќе биде објавен на 24 мај. Како најава за албумот досега се објавени два сингла, TK421 и Human.

Blue Electric Light ќе биде првиот негов албум по Raise Vibration од 2018 година, а ќе биде издаден преку неговата сопствена издавачка куќа, Roxie Records.

Составен е од 12 песни кои Lenny ги снимил во своето студио на Бахамите. Kravitz самиот го напишал и свирел најголемиот дел од материјалот, заедно со гитаристот и долгогодишен соработник Craig Ross.

Kravitz ја освојувал Греми наградата за најдобра машка рок вокална изведба четири години по ред од 1999 до 2002 година, поставувајќи го рекордот за најмногу последователни победи на церемонијата на доделување награди за машки изведувач.

Како дел од турнејата Blue Electric Lights 2024 Lenny Kravitz во организација на Авалон Продукција ќе гостува во Охрид на СРЦ Билјанини Извори на 4-ти август годинава.