Home » UK Official Charts преглед (13 – 19 ноември 2026)

UK Official Charts преглед (13 – 19 ноември 2026)

by Vangel Milevski

„Babydoll“ ја задржува првата позиција на Official Singles Chart, додека „Take me Home (4 christmas)“ на Olivia Rodrigo дебитира на осмото место и станува првата божиќна песна што годинава влегува во Toп 10.

На врвот и оваа недела е Jamie Miller! Велшкиот пејач и текстописец ја продолжува својата доминација на британската официјална сингл листа, забележувајќи ја четвртата последователна недела на врвот со хитот „Babydoll“.

Најблиску до него е Ashe, чиј сингл „Stop The Wedding!“ напредува за едно место и стигнува до највисокиот пласман во нејзината досегашна кариера – второто место. Tate McRae е на третата позиција со „Housewife“, додека „Great Expectation“ на SIENNA SPIRO ја задржува четвртата. На петтото место се искачува Sombr со „My Body Isn’t Ready“, кој бележи скок од четири позиции и го постигнува својот најдобар пласман досега.

Божиќната атмосфера пристигнува порано за Olivia Rodrigo. Нејзиниот прв оригинален празничен сингл, „Take me Home (4 christmas)“, дебитира на Official Singles Chart на осмото место, што го прави највисокиот новитет оваа недела и ѝ го носи нејзиниот 13-ти. хит во британскиот Toп 10.

Со овој успех, песната станува првата божиќна композиција што годинава успеала да се пробие меѓу десетте најдобри на британската сингл-листа, испраќајќи рана порака дека Olivia Rodrigo може да биде сериозен кандидат за овогодишната трка за божиќниот број 1.

Таа има уште две песни меѓу 40-те најуспешни. Соработката со Chappell Roan, „Еxpectations“, се наоѓа на седмото место, додека „Stupid Song“ напредува за девет позиции и стигнува до 26. место.

Но, Olivia не е единствената што ја внесува божиќната атмосфера на топ-листата. Wham! традиционално се враќаат во Tоп 40 со „Last Christmas“, кој бележи скок од дури 32 места и се наоѓа на 22. позиција.

Во меѓувреме, вечниот празничен хит на Mariah Carey, „All I Want For Christmas Is You“, напредува за 46 позиции и стигнува до 36. место. Двата поранешни број 1 сингла така го започнуваат својот нов традиционален сезонски подем на британската листа.

Верзијата на Sam Fender на песната „You Can’t Always Get What You Want“ од The Rolling Stones за првпат влегува во Top 40, дебитирајќи на 39. место. Обработката е снимена за овогодишната божиќна рекламна кампања на John Lewis и претставува уште еден значаен успех во извонредната година за музичарот од North Shields.

На листата се враќа и денс-класикот „Not Over Yet“ на Grace од 1995 година, кој повторно се наоѓа меѓу 40-те најдобри, на 37. место. Песната првично стигна до шестата позиција во 1995 година, а нејзиното повторно оживување делумно се должи на божиќната кампања на JD Sports и виралната популарност на социјалните мрежи.

Noah Kahan бележи двоен успех на листата во периодот кога неговата турнеја The Great Divide пристигнува во Велика Британија. „Orbiter“ напредува за 13 места и достигнува нов личен рекорд – 13. позиција, додека „Willing and Able“ се искачува за 11 места, до 17. позиција.

На крајот, ирското трио Kingfishr го прославува својот прв сингл во британскиот Top 40. „The Sun Will Never Settle“ бележи скок од 22 места и се искачува до 29. позиција

You may also like

Leave a Comment

-
00:00
00:00
Update Required Flash plugin
-
00:00
00:00