Синглот „Love Sensation“ ѝ го донесе на Madonna рекордниот 65 -ти Tоп 10 пласман во Британија, а на Kylie Minogue – 37-миот
Сензационално! Оваа недела највисокиот новитет им припаѓа на двете вистински поп-икони бидејќи големата соработка на **Madonna и Kylie во синглот” Love Sensation” дебитира на #8
Превземена од 13-от албум на Madonna кој стигнал до #1 во Британија “CONFESSIONS II,I” песната станува нејзиниот највисоко пласиран сингл во последните 17 години уште од Celebration”, кој во 2009 година стигна до #3, и ѝ го носи рекордниот, вкупно 65-ти Британски Toп 10 сингл
Последното појавување на Madonna во Tоп 10 беше благодарение на соработката со The Weeknd и Playboi Carti во “Popular”, која во февруари 2024 година стигна до #10.
Овој неверојатен 65-ти хит дополнително го зацврстува местото на Madonna меѓу великаните на Official Chart историјата. Само двајца артисти во историјата имаат повеќе UK Toп 10 синглови, Elvis Presley со 76 и Cliff Richard со 68.
Нејзините 65 Top 10 хитови се распоредени низ четири различни децении – 1980-тите, 1990-тите, 2000-тите и 2020-тите.
„Love Sensation“ станува третиот официјален Top 40 сингл од CONFESSIONS II, по соработката со Sabrina Carpenter, „Bring Your Love“ (29) и „Danceteria“ (38). Со тоа, ова е првиот албум на Madonna по 18 години од кој произлегле три UK Tоп 40 хитови.
Последен таков албум беше Hard Candy од 2008 година, од кој произлегоа „4 Minutes“ (1), „Give It 2 Me“ (7) и „Miles Away“ (39).
А еве и еден интересен факт од Official Chart: пред да се здружат за „Love Sensation“, Madonna и Kylie заедно имаа точно 100 UK Top 10 синглови – 64 за Madonna и 36 за Kylie.
Новата соработка ги зголемува нивните бројки на 65 и 37, односно неверојатни 102 индивидуални Top 10 пласмани заедно. Нивните кариери во UK Top 10 опфаќаат 42 години за Madonna и 38 години за Kylie.
Е, тоа е долговечност.
SIENNA SPIRO со „Great Expectation“ стигнува до број 7, што е нејзин највисок пласман досега. Песната е превземена од нејзиниот дебитантски албум Visitor, а со тоа го надминува нејзиниот претходен најдобар резултат – „Die On This Hill“, која во ноември 2025 година стигна до број 9.
Повторно една недела на број 1! „Rein Me In“ на Sam Fender и Olivia Dean ја бележи својата 21-ва непоследователна недела на врвот, додека „Dai Dai“ на Shakira и Burna Boy останува на број 2.
Ella Langley се враќа нагоре на листата со „Choosin’ Texas“ (3), додека „Be Her“ на кантри-сензацијата за првпат влегува во Top 40 (28).
„Movin’ To The Sun“ на HUGEL, Imael Angel и Ultra Naté стигнува до нов највисок пласман – број 4, додека „Jamaican (Bam Bam)“ на HUGEL и SOLTO (FR) за првпат влегува во главната листа, на број 34.
Stella Lefty го освојува својот прв Top 10 сингл со „Boston“, кој се искачува за седум места до број 9, додека шефилдскиот DJ Silva Bumpa исто така го бележи својот прв Top 10 хит со „On 2nite“ (10).
Други песни кои достигнуваат нови највисоки пласмани се „Earrings“ на Malcolm Todd (15), „bloodstream“ на Alyssa Grace (18), „Self Aware“ на Temper City (24) и „Sue Me“ на Audrey Hobert (29).
„Loser“ на Tame Impala продолжува да бележи успех по нејзиното појавување во новиот филм Spider-Man: Brand New Day, искачувајќи се за 13 места до број 14.
Слично, Steve Lacy го бележи својот втор Top 40 хит со „oh yeah?“, кој се искачува за неверојатни 69 места до број 23, благодарение на блокбастерот.
Поранешниот број 1 на Sabrina Carpenter, „Espresso“, повторно се враќа во Top 40 по објавувањето на специјално винил-издание по повод две години од песната (26).
Конечно, „My Body Isn’t Ready“ на sombr се искачува за 15 места до број 30, додека „RESCUER“ на Alex Warren му го носи на калифорнискиот изведувач неговиот јубилеен 10-ти Top 40 хит, на број 39