Предгрупите и придружниот бенд се повлекуваат од турнејата” The Loop” на Ed Sheeran по контроверзата со раперот Macklemore околу неговите ставови за Палестина
Finneas, Lukas Graham, Beoga и Aaron Rowe се повлекуваат од настапите на The Loop, критикувајќи го замолчувањето на Macklemore
Finneas, Lukas Graham, Beoga и Aaron Rowe се повлекоа, со што сите предгрупи и придружниот бенд се откажаа од турнејата на Ed Sheeran во знак на протест поради отстранувањето на Macklemore, откако раперот јавно ја изрази својата поддршка за Палестина за време на настапите.
Откако неодамна настапуваше како предгрупа на концертите на Sheeran во Њу Џерси, Macklemore од сцената одржа емотивен говор во кој повика „сите луѓе да бидат третирани со достоинство, почит и еднаквост“. Потоа Israeli-American Council побара негово отстранување од турнејата, обвинувајќи го дека ја користел својата платформа за „промовирање еднострана политичка агенда“.
Macklemore одговори на критиките за неговите повици за „Free Palestine“, велејќи дека борбата за еднаквост „никогаш не треба да биде контроверзна“. Сепак, тој беше отстранет од турнејата.
Во подолга изјава, Macklemore тврдеше дека Robert Kraft — сопственикот на New England Patriots и Gillette Stadium — започнал кампања против него, барајќи од Sheeran да го отстрани од турнејата или концертите да не се одржат.
Kraft подоцна јавно ги бранеше своите постапки, додека Sheeran изјави дека „не е соучесник“ и дека не бил одговорен за одлуката. Тој додаде дека целата измината недела се обидувал „да изгради мостови, да најде решение“, но дека не успеал.
Сега и другите предгрупи се повлекоа во знак на солидарност со Macklemore и со народот на Палестина.
Finneas, братот и музички соработник на Billie Eilish, кој јавно ја поддржува палестинската страна, требаше да настапува со Sheeran во Јужна Америка подоцна годинава, но сега се повлече од турнејата.
„Одлучив да се повлечам од моите претстојни датуми на турнејата со Ed Sheeran. Стојам со Палестина и нејзиниот народ.“
Ирските музичари Aaron Rowe и Beoga, како и данскиот бенд Lukas Graham, исто така зазедоа став.
Rowe беше еден од музичарите кои требаше да го заменат Macklemore на преостанатите американски концерти на Sheeran, додека Beoga беа неговиот придружен бенд, откако претходно соработуваа со Sheeran на песните „Galway Girl“ и „Nancy Mulligan“ од албумот
„Донесовме одлука да заминеме како бенд на Ed Sheeran од преостанатиот дел од американската The Loop турнеја, по замолчувањето на Macklemore од страна на ционистичките лобија“, напиша Beoga.
Бендот ја истакна и сопствената ирска историја:
„Ние сме Ирци кои го разбираме колонијализмот. Како основачки членови на Irish Artists for Palestine movement, посветени сме на активизмот за правда и ќе продолжиме да бидеме.“
Rowe, пак, напиша:
„Не можам да стојам настрана и да дозволам милијардерите да ја користат својата позиција на моќ за да ги замолчуваат оние кои зборуваат против геноцидот во Израел и кои укажуваат на бруталното убивање на деца. Би го изгубил целиот респект кон себе доколку продолжам како ништо да не се случило.“
Lukas Graham му се заблагодари на Sheeran за можноста, но додаде:
„Парите не ви даваат право да го поседувате разговорот.“
„Нечија банкарска сметка не треба да одлучува кој смее да зборува или за кое страдање смееме да зборуваме.“
Изјавата на бендот се чини дека се однесува на улогата на милијардерот Robert Kraft во отстранувањето на Macklemore од турнејата.
Sheeran сè уште нема одговорено на одлуката на неговите предгрупи да се повлечат.
Говорејќи од сцената на MetLife Stadium, Macklemore им порача на луѓето во Gaza и West Bank дека „не се заборавени“, додавајќи:
„Верувам дека секое човечко суштество што живее на оваа Земја заслужува токму иста слобода.“
„Потоа ја изведе својата пропалестинска песна „Hind’s Hall“, додека на големите екрани зад него беа прикажувани снимки од Газа
Зошто ова е поголемо од една турнеја
Sheeran со години го градеше имиџот на изведувач надвор од политиката, некој што доаѓа со гитара и looper, а не со политички став. „Ја почитувам силата на убедувањето на Macklemore да стане и гласно да зборува за она во што верува“, напиша тој. „Но, постои простор за повеќе пристапи кон истата цел: мир. Јас избирам својата слава и платформа да ги користам како место на сигурност и засолниште.“
Неутралноста повеќе не е едноставна опција. Турнејата на едно од најголемите поп-имиња денес остана без предгрупи, откако Macklemore, артист без сопствен стадион, јавно го кажа она во што верува, а одлуката на човекот чија музика полни стадиони покажа колку тешко е да се остане целосно настрана кога политиката и музиката ќе се судрат. Sheeran се обиде да остане надвор од конфликтот, но токму тоа негово дистанцирање го остави сам
