Rick Nelson е една од големите американски ѕвезди на педесетите и шеесетите години. Во Англија деветнаесет пати на хит листата од тоа ниеднаш прв, четири пати меѓу првите десет, седум пати меѓу првите дваесет… Роден на осми мај 1940 во Њу Џерси со животна приказна слична на многуте од доцните педесети. Татко му Ozzie бил водач на оркестар а мајка му Harriett била пеачка. Со седум години радио ѕвезда во подоцнежното семејно радио шоу Adventures of Ozzie and Harriett, со десет, телевизијска ѕвезда а пеачка со 16 години. Милионски тиражи во САД, редица хитови, филмски улоги (Story of three lovers, Rio Bravo, The wackiest ship in the army…).Со доаѓањето на британскиот саунд ја губи популарноста. Пишува релативно неуспешни песни за други и настапува во помали клубови низ Америка. Ја оформува групата Stone Canyon band во која едно време настапувал и Randy Maisner подоцна член на Eagles.. Rick Nelson загинал во авионска несреќа заедно со својата група по одржан концерет во Гантерсвил во Алабама на 31 декември 1985. Во несреќата загинале сите седум патници вбројувајки ги сите четвотрица членови на неговата група. Но… ќе преживеат двајцата пилоти. Инаку двомоторниот авион ДЦ-3 кој Rick Nelson го купил во мај 1985 од Jerry Lee Lewis имал две принудни слетувања во претходните шест месеци. При падот замалку удрил во куќа на една фарма, потоа ги закачил врвовите на дрвата во една шема и во пламен се струполил на едно поле.
Зад Rick Nelson живот како од бајка. Сторија која би требало да заврши со неговата смрт и да го пресели во историјата меѓу легендите. Личната сторија да, но не и семејната. Rick Nelson зад себе оставил семејство во кое неговата ќерка Tracy стана успешна телевизијска актерка а двата негови сина, близнаците Matthew и Gunner продолжуваат да го прославуваат семејното име како музичари. По стапките на својот дедо, баба и татко, под име на своето презиме.